«Πνευματική φαρέτρα τοῦ Ὀρθοδόξου Χριστιανοῦ»
Μοναχοῦ Δαμασκηνοῦ Γρηγοριάτου
ΙΕΡΑ ΠΑΡΑΚΛΗΣΙΣ
ΕΙΣ ΤΟΝ ΟΣΙΟΝ ΝΕΟΦΥΤΟΝ ΤΟΝ ΕΓΚΛΕΙΣΤΟΝ
ΙΕΡΑ ΜΟΝΗ ΟΣΙΟΥ ΓΡΗΓΟΡΙΟΥ
ΑΓΙΟΝ ΟΡΟΣ
1978.
Εὐλογήσαντος τοῦ Ἱερέως, λέγομεν τόν παρόντα Ψαλμόν
ΨΑΛΜΟΣ 142
Κύριε, εἰσάκουσον τῆς προσευχῆς μου, ἐνώτισαι τήν δέησίν μου ἐν τῆ ἀληθείᾳ σου, εἰσάκουσόν μου ἐν τῆ δικαιοσύνῃ σου. Καί μή εἰσέλθῃς εἰς κρίσιν μετά τοῦ δούλου σου, ὅτι οὐ δικαιωθήσεται ἐνώπιόν σου πᾶς ζῶν. Ὅτι κατεδίωξεν ὁ ἐχθρός τήν ψυχήν μου, ἐταπείνωσεν εἰς γῆν τήν ζωήν μου. Ἐκάθισέ με ἐν σκοτεινοῖς ὡς νεκρούς αἰῶνος, καί ἠκηδίασεν ἐπ᾿ ἐμέ τό πνεῦμα μου, ἐν ἐμοί ἐταράχθη ἡ καρδία μου. Ἐμνήσθην ἡμερῶν ἀρχαίων, ἐμελέτησα ἐν πᾶσι τοῖς ἔργοις σου, ἐν ποιήμασι τῶν χειρῶν σου ἐμελέτων. Διεπέτασα πρός σέ τάς χεῖρας μου, ἡ ψυχή μου ὡς γῆ ἄνυδρός σοι. Ταχύ εἰσάκουσόν μου, Κύριε, ἐξέλιπε τό πνεῦμα μου. Μή ἀποστρέψης τό πρόσωπόν σου ἀπ᾿ἐμοῦ, καί ὁμοιωθήσομαι τοῖς καταβαίνουσιν εἰς λάκκον. Ἀκουστόν ποίησόν μοι τό πρωΐ τό ἔλεός σου, ὅτι ἐπί σοί ἤλπισα. Γνώρισόν μοι, Κύριε, ὁδόν, ἐν ἧ πορεύσομαι, ὅτι πρός σέ ἦρα τήν ψυχήν μου. Ἐξελοῦ με ἐκ τῶν ἐχθρῶν μου, Κύριε, πρός σέ κατέφυγον δίδαξόν με τοῦ ποιεῖν τό θέλημά σου, ὅτι σύ εἶ ὁ Θεός μου. Τό πνεῦμα σου τό ἀγαθόν ὁδηγήσει με ἐν γῆ εὐθείᾳ, ἕνεκεν τοῦ ὀνόματός σου, Κύριε, ζήσεις με. Ἐν τῆ δικαιοσύνῃ σου ἐξάξεις ἐκ θλίψεως τήν ψυχήν μου, καί ἐν τῶ ἐλέει σου ἐξολοθρεύσεις τούς ἐχθρούς μου. Καί ἀπολεῖς πάντας τούς θλίβοντας τήν ψυχήν μου, ὅτι ἐγώ δοῦλος σου εἰμί.
Καί εὐθύς τό: Θεός Κύριος, καί ἐπέφανεν ἡμῖν...μετά τῶν στίχων αὐτοῦ ἐξ ἑκατέρων τῶν Χορῶν.
Εἶτα τά παρόντα τροπάρια. Ἦχος δ΄ Ὁ ὑψωθείς...
Τῶ διδασκάλῳ καί σοφῶ Νεοφύτῳ, ὡς χορηγοῦντι ἰαμάτων τήν χάριν, πάντες θερμῶς προσπίπτοντες βοήσωμεν: Ἅγιε ἀπάλλαξον, συμφορῶν καί κινδύνων, τούς πιστῶς προστρέχοντας τῆς θερμῆ σου πρεσβείᾳ, σύ γάρ προστάτης πέλεις τῶν πιστῶν, καί τῶν Κυπρίων, μεσίτης πρός Κύριον.
Δόξα Πατρί…Το αὐτό. Καί νῦν…Θεοτοκίον.
Οὐ σιωπήσομεν ποτέ Θεοτόκε, τάς δυναστείας σου, λαλεῖν οἱ ἀνάξιοι, εἰμή γάρ σύ προΐστασο πρεσβεύουσα, τίς ἡμᾶς ἐρρύσατο ἐκ τοσούτων κινδύνων; Τίς δέ διεφύλαξεν ἕως νῦν ἐλευθέρους; Οὐκ ἀποστῶμεν Δέσποινα ἐκ σοῦ, σούς γάρ δούλους σώζεις ἀεί ἐκ παντοίων δεινῶν.
Τόν Ν΄ Ψαλμόν
Ἐλέησόν με ὁ Θεός κατά τό μέγα ἔλεός σου καί κατά τό πλήθος τῶν οἰκτιρμῶν σου ἐξάλειψον τό ἀνόμημά μου. Ἐπί πλεῖον πλῦνόν με ἀπό τῆς ἀνομίας μου καί ἀπό τῆς ἁμαρτίας μου καθάρισόν με. Ὅτι τήν ἀνομίαν μου ἐγώ γινώσκω καί ἡ ἁμαρτία μου ἐνώπιόν μού ἐστιν διά παντός. Σοί μόνω ἥμαρτον καί τό πονηρόν ἐνώπιόν σου ἐποίησα ὅπως ἄν δικαιωθῆς ἐν τοῖς λόγοις σου καί νικήσης ἐν τῶ κρίνεσθαί σε. Ἰδού γάρ ἐν ἀνομίαις συνελήφθην καί ἐν ἁμαρτίαις ἐκίσσησέ με ἡ μήτηρ μου. Ἰδού γάρ ἀλήθειαν ἠγάπησας τά ἄδηλα καί τά κρύφια τῆς σοφίας σου ἐδήλωσάς μοι. Ραντιεῖς με ὑσσώπω καί καθαρισθήσομαι πλυνεῖς με καί ὑπέρ χιόνα λευκανθήσομαι. Ἀκουτιεῖς μοι ἀγαλλίασιν καί εὐφροσύνην ἀγαλλιάσονται ὀστέα τεταπεινωμένα. Ἀπόστρεψον τό πρόσωπόν σου ἀπό τῶν ἁμαρτιῶν μου καί πάσας τάς ἀνομίας μου ἐξάλειψον. Καρδίαν καθαράν κτίσον ἐν ἐμοί ὁ Θεός καί πνεῦμα εὐθές ἐγκαίνισον ἐν τοῖς ἐγκάτοις μου. Μή ἀπορρίψης με ἀπό τοῦ προσώπου σου καί τό πνεῦμα σου τό ἅγιόν σου μή ἀντανέλης ἀπ' ἐμοῦ. Ἀπόδος μοι τήν ἀγαλλίασιν τοῦ σωτηρίου σου καί πνεύματι ἡγεμονικῶ στήριξόν με. Διδάξω ἀνόμους τάς ὁδούς σου καί ἀσεβεῖς ἐπί σέ ἐπιστρέψουσιν. Ρῦσαί με ἐξ αἱμάτων ὁ Θεός ὁ Θεός τῆς σωτηρίας μου ἀγαλλιάσεται ἡ γλῶσσά μου τήν δικαιοσύνην σου. Κύριε τά χείλη μου ἀνοίξεις καί τό στόμα μου ἀναγγελεῖ τήν αἴνεσίν σου. Ὅτι εἰ ἠθέλησας θυσίαν ἔδωκα ἄν ὁλοκαυτώματα οὐκ εὐδοκήσεις. Θυσία τῶ Θεῶ πνεῦμα συντετριμμένον καρδίαν συντετριμμένην καί τεταπεινωμένην ὁ Θεός οὐκ ἐξουθενώσει. Ἀγάθυνον Κύριε ἐν τῆ εὐδοκία σου τήν Σιών καί οἰκοδομηθήτω τά τείχη Ἱερουσαλημ. Τότε εὐδοκήσεις θυσίαν δικαιοσύνης ἀναφοράν καί ὁλοκαυτώματα. Τότε ἀνοίσουσιν ἐπί τό θυσιαστήριόν σου μόσχους
Καί ἀρχόμεθα τοῦ Κανόνος
Ὠδή α΄ Ἦχος πλ. Δ Ὑγράν...
Νικώμενος πάθεσι τῆς ψυχῆς, παντοίας κακώσεις, καί δαιμόνων ἐπιφοράς, οὐ δύναμαι πάτερ ὑπομένειν, διό ὡς ρύστην προς σε νῦν κατέφυγον.
Ἱκέσιον δέησιν μοναστῶν, χορός σῆς Ἐγκλείστρας, φιλοχρίστων πληθύς λαοῦ, Νεόφυτε μάκαρ νῦν ποιοῦσιν, ἵνα παθῶν ἀπελαύνεις σκοτόμαιναν.
Ἀκοίμητον φύλακα τῶν ψυχῶν, σωμάτων τε σύμπας, ὁ τῆς Κύπρου πιστός λαός, πλουτεῖ σε Νεόφυτα παμμάκαρ, ἔνθεν πιστῶς καταφεύγει τῆ σκέπῃ σου.
Θεοτοκίον
Πανύμνητε Κόρη τοῦ οὐρανοῦ, καί γῆς πλατυτέρα, ἡ τεκοῦσα ἐν γυναξί, ἀσπόρως τον πάντων Βασιλέα, λιταῖς σου σῶσον ἡμᾶς πάσης θλίψεως.
Ὠδή γ΄ Οὐρανίας ἁψίδος
Ἐπί γῆς ὤφθης ρόδον, ἀειθαλές ὅσιε, ἅπας σου ὁ βίος τοῖς πᾶσι, ὡς ἱερῶς διέλαμψε. Ὅθεν ἑκάστοτε, τῶν ἀρετῶν σου ἀκτῖσι, φώτισον διάνοιαν, τῶν εὐφημούντων σε.
Ἐν τῶ ἄνδρῳ θεόφρον, ἀσκητικῶς ἤθλησας, σκεῦος γεγονώς καί δοχεῖον, τοῦ Θείου Πνεύματος, ἀλλ’ὡς διδάσκαλος ἀγγελικῆς πολιτείας, καθοδήγει ἅπαντας πρόις βίον κρείττονα.
Ἡ ἁγία Μονή σου, ὡς θησαυρόν κέκτηται, την τῶν ἱερῶν σου Λειψάνων θήκην καί κράζει σοι:Πάτερ Νεόφυτε, τῶν μοναστῶν θυμηδία, σῶζε τους προστρέχοντας τῆ μεσιτείᾳ σου.
Θεοτοκίον.
Παναγία Παρθένε, Μῆτερ Θεοῦ ἄφθορε, ἴασαι ψυχῆς μου την νόσον, ποικίλοις πάθεσι, καί ὡς φιλότεκνος, δίδου ἡμῶν παρακλήσεις, καί πταισμάτων αἴτησαι ἡμῖν συγχώρησιν.
Διάσωσον, ταῖς ἱκεσίαις σου Πάτερ, ἐκ πάσης βλάβης, τούς ἐν πίστει τῆς σῆ πρεσβείᾳ προστρέχοντας, τῶν μοναζόντων Νεόφυτε θεῖον κάλλος.
Ἐπίβλεψον, ἐν εὐμενείᾳ, Πανύμνητε Θεοτόκε, ἐπί τήν ἐμήν χαλεπήν τοῦ σώματος κάκωσιν, καί ἴασαι τῆς ψυχῆς μου τό ἄλγος.
Ἱερεύς
· Ἐλέησον ἡμᾶς ὁ Θεός κατά τό μέγα ἔλεός Σου, δεόμεθά Σου, ἐπάκουσον καί ἐλέησον. Κύριε ἐλέησον (3)
· Ἔτι δεόμεθα ὑπέρ τοῦ Ἀρχιεπισκόπου ἡμῶν (δεῖνος) καί πάσης τῆς ἐν Χριστῶ ἡμῶν ἀδελφότητος. Κύριε ἐλέησον (3)
· Ἔτι δεόμεθα ὑπέρ ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως καί ἀφέσεως τῶν ἁμαρτιῶν τῶν δούλων τοῦ Θεοῦ, πάντων τῶν εὐσεβῶν καί ὀρθοδόξων χριστιανῶν, τῶν κατοικούντων καί παρεπιδημούντων ἐν τῆ (κώμη, πόλει) ταύτη, τῶν ἐνοριτῶν, ἐπιτρόπων, συνδορομητῶν καί ἀφιερωτῶν τοῦ ἁγίου ναοῦ τούτου. Κύριε ἐλέησον (3)
· Ἔτι δεόμεθα ὑπέρ τῶν δούλων τοῦ Θεοῦ, (ὀνόματα).
· Ὅτι ἐλεήμων καί φιλάνθρωπος Θεός ὑπάρχεις, καί σοί τήν δόξαν ἀναπέμπομεν, τῶ Πατρί καῖ τῶ Υἱῶ καί τῶ Ἁγίῳ Πνεύματι, νῦν καί ἀεί καί εἰς τούς αἰῶνας τῶν αἰώνων. Ἀμήν.
Κάθισμα. Ἦχος Β΄Πρεσβεία θερμή
Ποιμήν ἱερός καί ὁδηγός ἀσκήσεως, ἐδείχθης σαφῶς, Νεόφυτε μακάριε, ‘ςν Κύπρῳ τοῖς μονάζουσι, ὁδήγει ἡμᾶς ἀεί ἀσφαλῶς, προς τρίβον δεόμεθα πανάριστον.
Ὠδή δ΄ Εἰσακήκοα Κύριε.
Ὀρθοδόξων διάσωσμα, ὅσιε ἐφάνης θείοις διδάγμασι, διά τοῦτο σοῦ δεόμεθα, σῶζε τόν λαόν σου πάσης θλίψεως.
Γόνων Ἄγαρ κατάβαλε, θράσος ἐπηρμένον καί κράτος ἔχθιστον, καί τῆς τούτων λύμης λύτρωσαι, εὐσθενῶς Νεόφυτε την Νῆσον σου.
Ὡς Θεοῦ εὐηρέστησας, θαύματα τελεῖν ἠξίωσαι ὅσιε, διά τοῦτο σοῦ δεόμεθα, πολυτρόπων ρύου ἡμᾶς θλίεψεων.
Θεοτοκίον
Ἡ ζωή μου Πανάχραντε, πλήρης θλιβερῶν καί παντοίων κακώσεων, ἀλλ’ὡς Μήτηρ τοῦ Παντάνακτος, ρῦσαι βελῶν τοῦ πολεμήτορος.
Ὠδή Ε΄ Φώτισον ἡμᾶς.
Ὄλεσον ταχύ μηχανάς νῦν τοῦ ἀλάστορος, καί κατεύθυνον ἡμᾶς εἰς ἀρετήν, ἐν πόθῳ σοι προσπίπτοντας Νεόφυτε.
Ἤνυσας στερρῶς, τον ἀγῶνα τῆς ἀσκήσεως, διό δίδου ἡμῖν δύναμιν σοφέ, τοῦ πατεῖν ἐπί παγίδων τοῦ κακόφρονος.
Φώτισον ἡμᾶς, θεοπνεύστοις σου συγγράμμασι, καί ὁδήγησον εἰς Πνεύματος αὐγάς, ὦ Νεόφυτε Ὁσίων ἐγκαλλώπισμα.
Θεοτοκίον
Θραῦσον τοῦ ἐχθροῦ, τά ὀλέθρια φρυάγματα, καί παράσχου την εἰρήνην Μαριάμ, τῆ δεινῶς χειμαζομένῃ Κύπρῳ Ἄχραντε.
Ὠδή ΣΤ΄ Τήν δέησιν...
Ποιμένα καί πενομένων τροφέα, ἐπιστάμεθά σε Κύπριε Πάτερ, καί κατωδύνῃ ψυχῆ σοι βοῶμεν, τῆ τῶν Λειψάνων θήκῃ σου προστρέχοντες. Δίδου ἡμῖν ὡς συμπαθής, την σήν χάριν ἐξ ὕψους Νεόφυτε.
Ὡς κῆρυξ τῆς ἀληθείας ἐφάνης, καί κατηύφρανας πιστῶν τάς καρδίας, οὕτω καί νῦν ἡμᾶς Πάτερ τραπέντας, προς ἀνοδίας τοῦ πλάνου ἐπίστρεψον, προς την ὁδόν τῆς ἀρετῆς, ἐνταλμάτων προς θείαν ἐκπλήρωσιν.
Ἐπόθησας ἀπολαῦσαι θεόφρον, τοῦ Κυρίου την οὐράνιον δόξαν, διό παθῶν ἀδοξίας χειρίστων, ρῦσαι ἡμᾶς θεοφόρε Νεόφυτε, καί στεναγμῶν ὀδυνηρῶν, τον λαόν σου ταχέως ἀπάλλαξον.
Θεοτοκίον
Τά βέλη τοῦ πονηροῦ την ψυχήν μου, ἐτραυμάτισαν καιρίως Παρθένε, πεπληρωμένος ὀδύνης οὖν πέλων, ἐπί την σήν καταφεύγω ἀντίληψιν, ἵνα ρυσθῶ ὁλοσχερῶς, τοῦ ἐχθροῦ τῶν δεινῶν ἐπιθέσεων.
Διάσωσον, ταῖς ἱκεσίαις σου Πάτερ, ἐκ πάσης βλάβης, τούς ἐν πίστει τῆς σῆ πρεσβείᾳ προστρέχοντας, τῶν μοναζόντων Νεόφυτε θεῖον κάλλος.
Ἐπίβλεψον, ἐν εὐμενείᾳ, Πανύμνητε Θεοτόκε, ἐπί τήν ἐμήν χαλεπήν τοῦ σώματος κάκωσιν, καί ἴασαι τῆς ψυχῆς μου τό ἄλγος.
Ὁ ἱερεύς μνημονεύει, ὡς δεδήλωται.
Ἱερεύς
· Ἐλέησον ἡμᾶς ὁ Θεός κατά τό μέγα ἔλεός Σου, δεόμεθά Σου, ἐπάκουσον καί ἐλέησον. Κύριε ἐλέησον (3)
· Ἔτι δεόμεθα ὑπέρ τοῦ Ἀρχιεπισκόπου ἡμῶν (δεῖνος) καί πάσης τῆς ἐν Χριστῶ ἡμῶν ἀδελφότητος. Κύριε ἐλέησον (3)
· Ἔτι δεόμεθα ὑπέρ ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως καί ἀφέσεως τῶν ἁμαρτιῶν τῶν δούλων τοῦ Θεοῦ, πάντων τῶν εὐσεβῶν καί ὀρθοδόξων χριστιανῶν, τῶν κατοικούντων καί παρεπιδημούντων ἐν τῆ (κώμη, πόλει) ταύτη, τῶν ἐνοριτῶν, ἐπιτρόπων, συνδορομητῶν καί ἀφιερωτῶν τοῦ ἁγίου ναοῦ τούτου. Κύριε ἐλέησον (3)
· Ἔτι δεόμεθα ὑπέρ τῶν δούλων τοῦ Θεοῦ, (ὀνόματα).
· Ὅτι ἐλεήμων καί φιλάνθρωπος Θεός ὑπάρχεις, καί σοί τήν δόξαν ἀναπέμπομεν, τῶ Πατρί καῖ τῶ Υἱῶ καί τῶ Ἁγίῳ Πνεύματι, νῦν καί ἀεί καί εἰς τούς αἰῶνας τῶν αἰώνων. Ἀμήν.
Μετά τήν ἐκφώνησιν,
Κοντάκιον, Ἦχος Β΄ Προστασία τῶν Χριστιανῶν
Εὐλαβείᾳ θερμῆ την σωρόν σου ἀσπάζεται, ἐν οἰκείᾳ Μονῆ, Ὀρθοδόξων ὁμήγυρις, ἐξαιτοῦσα γονυκλιτῶς βοήθειαν την σήν. Δέχου ὅσιε ὡς συμπαθής, τάς ἱκεσίας εὐμενῶς, τῶν ἐν πίστει βοώντων σοι:Λῦσον ἡμῶν την λύπην, καί πλήρωσον εὐφροσύνης, ὡς παρρησίαν τῶ Θεῶ, ἐσχηκώς ἡμῖν Νεόφυτε.
Α' Αντίφωνον
Ήχος δ'
Ἐκ νεότητός μου, πολλά πολεμεῖ με πάθη, ἀλλ᾿ αὐτός ἀντιλαβοῦ, καί σῶσον, Σωτήρ μου. (δίς)
Οἱ μισοῦντες Σιών, αἰσχύνθητε ἀπό τοῦ Κυρίου, ὡς χόρτος γάρ, πυρί ἔσεσθε ἀπεξηραμμένοι. (δίς)
Δόξα...
Ἁγίω Πνεύματι, πᾶσα ψυχή ζωοῦται, καί καθάρσει ὑψοῦται, λαμπρύνεται τῆ Τριαδικῆ μονάδι, ἱεροκρυφίως.
Καί νῦν...
Ἁγίω Πνεύματι, ἀναβλύζει τά τῆς χάριτος ρεῖθρα, ἀρδεύοντα ἅπασαν τήν κτίσιν, πρός ζωογονίαν.
Προκείμενον
Τίμιος ἐναντίον Κυρίου ὁ θάνατος τοῦ Ὁσίου αὐτοῦ. (τρίς)
Στίχος: Τί ἀνταποδώσωμεν τῶ Κυρίῳ, περί πάντων ὧν ἀνταπέδωκεν ἡμῖν.
Ἱερεύς: Καί ὑπέρ τοῦ καταξιωθῆναι ἡμᾶς τῆς ἀκροάσεως τοῦ ἁγίου Εὐαγγελίου, Κύριον τόν Θεόν ἡμῶν ἱκετεύσωμεν.
Χορός Κύριε, ελέησον (γ').
Ἱερεύς: Σοφία. Ὀρθοί, ἀκούσωμεν τοῦ ἁγίου Εὐαγγελίου.
Ἱερεύς: Εἰρήνη πᾶσι.
Χορός: Καί τῶ Πνεύματί σου.
Ἱερεύς: Ἐκ τοῦ κατά Λουκῶν ἁγίου Εὐαγγελίου...
Ἱερεύς Πρόσχωμεν.
Χορός:: Δόξα σοι, Κύριε, δόξα σοι.
Εἶπεν ὁ Κύριος τοῖς ἑαυτοῦ μαθηταῖς, πάντα μοι παρεδόθη ὑπό τοῦς Πατρός μου καί οὐδείς ἐπιγινώσκει τόν Υἱόν, εἰ μή ὁ Πατήρ, οὐδέ τόν Πατέρα τις ἐπιγινώσκει, εἰ μή ὁ Υἱός, καί ὧ ἐάν βούλεται ὁ Υἱός ἀποκαλύψαι. Δεῦτε πρός με πάντες οἱ κοπιῶντες καί πεφορτισμένοι, κἀγώ ἀναπαύσω ὑμᾶς. Ἄρατε τόν ζυγόν μου ἐφ᾿ ὑμᾶς καί μάθετε ἀπ᾿ ἐμοῦ ὅτι πρᾶος εἰμι καί ταπεινός τῆ καρδίᾳ καί εὑρήσετε ἀνάπαυσιν ταῖς ψυχαῖς ὑμῶν. Ὁ γάρ ζυγός μου χρηστός καί τό φορτίον μου ἐλαφρόν ἐστίν.
Δόξα... Ήχος β'
Πάτερ, Λόγε, Πνεῦμα, Τριάς ἡ ἐν Μονάδι, ἐξάλειψον τά πλήθη, τῶν ἐμῶν ἐγκλημάτων.
Καί νῦν...
Ταῖς τῆς Θεοτόκου, πρεσβεῖαις, Ἐλεῆμον, ἐξάλειψον τά πλήθη, τῶν ἐμῶν ἐγκλημάτων.
Στίχ. Ἐλεησόν με, ὁ Θεός, κατά τό μέγα ἔλεός σου, καί κατά τό πλῆθος τῶν οἰκτιρμῶν σου ἐξάλειψον τό ἀνόμημά μου.
Ήχος πλ. β' Ὅλην ἀποθέμενοι
Ὤφθης ἐνδιαίτημα, πνευματικῶν χαρισμάτων, πόνοις τῆς ἀσκήσεως, καί δακρύων ρεύμασι πάτερ ὅσιε, διό νῦν πλήρωσον, τάς ἡμῶν δεήσεις, παρρησίᾳ σου πρός Κύριον, καί παραμύθησον, τούς ἐν λύπαις ὄντας καί θλίψεσι, Νεόφυτε μακάριε, μέγα τῆς Ἐγκλείστρας ἀγλαϊσμα, καί ἀεί δυσώπει, διδόναι ἡμῖν λύσιν πειρασμῶν, καί τῶν πταισμάτων συγχώρησιν, παρά τοῦ Παντάνακτος.
Ἱερεύς: Σῶσον, ὁ Θεός, τόν λαόν σου, καί εὐλόγησον τήν κληρονομίαν σου. Ἐπίσκεψαι τόν κόσμον σου ἐν ἐλέει καί οἰκτιρμοῖς. Ὕψωσον κέρας Χριστιανῶν Ὁρθοδόξων, καί κατάπεμψον ἐφ᾿ ἡμᾶς τά ἐλέη σου τά πλούσια. Πρεσβεῖαις τῆς παναχράντου, Δεσποίνης ἡμῶν, Θεοτόκου καί ἀειπαρθένου Μαρίας. Δυνάμει τοῦ τιμίου καί ζωοποιοῦ Σταυροῦ, προστασίαις τῶν τιμίων ἐπουρανίων Δυνάμεων ἀσωμάτων, ἱκεσίαις τοῦ τιμίου, ἐνδόξου, προφήτου προδρόμου καί βαπτιστοῦ Ἰωάννου, τῶν ἁγίων, ἐνδόξων, καί πανευφήμων Ἀποστόλων. Τῶν ἐν ἁγίοις Πατέρων ἡμῶν, μεγάλων Ἱεραρχῶν, καί Οἰκουμενικῶν Διδασκάλων, Βασιλείου τοῦ Μεγάλου, Γρηγορίου τοῦ Θεολόγου καί Ἰωάννου τοῦ Χρυσοστόμου, Ἀθανασίου καί Κυρίλλου, Ἰωάννου τοῦ Ἐλεήμονος, πατριαρχῶν Ἀλεξανδρείας: Νικολάου τοῦ ἐν Μύροις τῆς Λυκίας, Σπυρίδωνος ἐπισκόπου Τριμυθοῦντος, καί Νεκταρίου Πενταπόλεως, τῶν θαυματουργῶν. Τῶν ἁγίων ἐνδόξων μεγαλομαρτύρων Γεωργίου τοῦ Τροπαιοφόρου, Δημητρίου τοῦ Μυροβλύτου, Θεοδώρου τοῦ Τήρωνος, καί Θεοδώρου τοῦ Στρατηλάτου καί Μηνᾶ τοῦ θαυμαρτουργοῦ, τῶν ἱερομαρτύρων Χαραλάμπους καί Ἐλευθερίου,τῶν ἁγίων, ἐνδόξων, μεγάλων μαρτύρων Θέκλας, Βαρβάρας, Ἀναστασίας, Κυριακῆς Φωτεινῆς, Μαρίνης, Παρασκευῆς καί Εἰρήνης, τῶν ἁγίων ἐνδόξων καί καλλινίκων Μαρτύρων, τῶν ὁσίων καί θεοφόρων Πατέρων ἡμῶν, (ναοῦ), τῶν ἁγίων καί δικαίων θεοπατόρων Ἰωακείμ καί Ἄννης, (τῶν Ἁγίων τῆς ἡμέρας), καί πάντων σου τῶν Ἁγίων, ἱκετεύομέν σε, μόνε πολυέλεε Κύριε, ἐπάκουσον ἡμῶν τῶν ἁμαρτωλῶν δεομένων σου καί ἐλέησον ἡμᾶς.
Χορός Κύριε, ελέησον (ιβ')
Ιερεύς Ἐλέει, καί οἰκτιρμοῖς, καί φιλανθρωπία τοῦ μονογενοῦς σου Υἱοῦ, μεθ᾿ οὗ εὐλογητός εἶ, σύν τῶ Παναγίῳ καί ἀγαθῶ καί ζωοποιῶ σου Πνεύματι, νῦν καί ἀεί καί εἰς τούς αἰῶνας τῶν αἰώνων.
Χορός: Αμήν.
Ὠδή ζ΄Οἱ ἐκ τῆς Ἰουδαίας...
Ἐπί κλίνης παθῶν μου, κατακείμενος μάκαρ θερμῶς κραυγάζω σοι:ἰάτρευσον τόν νοῦ μου, καί δύναμιν καί ρῶσιν τῆς ψυχῆ καί τῶ σώματι δίδου μοι, πάτερ ἀεί, ἵνα σε μακαρίζω.
Τους πιστῶς προσιόντας, τῆ σεπτῆ σου Ἐγκλείστρᾳ πάτερ Νεόφυτε, καί πόθω προσκυνοῦντας σορόν σου την ἁγίαν, πάσης βλέβης ἀπάλλαττε, καί πειρασμῶν χαλεπῶν, ἐκλύτρωσιν ἐξαίτει.
Ὀρφανῶν καί πενήτων, θλιβομένων προσφύγων πέλων παράκλησις, Νεόφυτε θεόφρον, παραμυθίαν δίδου, τοῖς ἐν πόνοις καί θλίψεσι, καί ρῦσαι τάχος σοφέ, τους ἐν αἰχμαλωσίᾳ.
Θεοτοκίον
Σε κεκτήμεθα Κόρη, παραμύθιον παραμύθιον πάντες καί καταφύγιον, διάσωζε οὖν πάντας ἡμᾶς ἀπεγνωσμένους, ἐκ παθῶν καταπτώσεως, χριστιανῶν γάρ σύ εἶ, χαρά καί εὐφροσύνη.
Ὠδή Η΄ Τόν Βασιλέα.
Βουλάς ἀθέων, καινοφανεῖς τε ἰδέας, ἀποδίωξον ἐκεῖθεν πρεσβειῶν σου, ὅπως Ἐκκλησίας, ἡ πίστις θριαμβεύει.
Φρούρησον Πάτερ, τῶν Ὀρθοδόξων τά πλήθη, καί ταπείνωσον ὀφρῦν αἱρετιζόντων, ἵνα σε ὡς ρύστην Νεόφυτε τιμῶμεν.
Ἐκ φρονημάτων, νοσούντων φύλαττε πάτερ, τούς ἐν δόγμασι ὀρθοῖς βεβαπτισμένους, ὡς ἄν ὀρθοδόξως δουλεύουσι Κυρίῳ.
Θεοτοκίον
Σύμπας Παρθένε, Κύπρου λαός ἱκετεύει σέ τήν Πάναγνον Μητέρα, τοῦ Κυρίου, ὡς ἄν ἐπελθούσης ἀπαλλαγῆ ἀνάγκης.
Ὠδή Θ΄ Ὁ Εἱρμός...
Θαυμάτων ἐπαξίως, χάριν ἐκομίσω, διό ὀδύνης ἡμᾶς πάσης ἴασαι, κατά ψυχήν τε καί σῶμα πάτερ Νεόφυτε.
Ψυχῶν τγε καί σωμάτων, ἴασιν παρέχεις, καί συμφωρῶν ἀπαλλάττεις μακάριε, τους εὐλαβῶς προσιόντας τῆ προστασίᾳ σου.
Ὑψώθης ἐδοξάσθης, δόξῃ ἀϊδίῳ, καί ἀσκητῶν ὑποτύπωσις γέγονας, καί μοναστὦν πρέσβυς μέγας, ὤφθης πρός Κύριον.
Θεοτοκίον
Ὑπέραγνα Μαρία, την Κυπρίων Νῆσον, τῆς ἐπελθούσης ἀνάγκης ἀπάλλαξον, Ἀγαρηνῶν γάρ τά στίφη ταύτην ἐσύλησαν.
ΜΕΓΑΛΥΝΑΡΙΑ
Ἄξιόν ἐστιν ὡς ἀληθῶς, μακαρίζειν σε τήν Θεοτόκον, τήν ἀειμακάριστον καί παναμώμητον, καί Μητέρα τοῦ Θεοῦ ἡμῶν. Τήν τιμιωτέραν τῶν Χερουβείμ, καί ἐνδοξοτέραν ἀσυγκρίτως τῶν Σεραφείμ, τήν ἀδιαφθόρως Θεόν Λόγον τεκοῦσαν, τήν ὄντως Θεοτόκον, σέ μεγαλύνομεν.
Χαίροις ἱερέων κλέος σεπτόν, ἀσκητῶν ἀκρότης, καί διδάσκαλος ἀρετῶν, χάιροις ὁ δομῆτορ Μονῆς σου τῆς Ἐγκλείστρας, Νεόφυτε παμμάκαρ, Κυπρίων καύχημα.
Πόνοις ἐγκρατείας άσκητικοῖς, καί πολλοῖς ἱδρῶσι, θεῖος ὤφθης παιδαγωγός, τῶν ἐν εὐσεβείᾳ, καί πίστει ὀρθοδόξῳ, θελόντων τῶ Κυρίῳ δουλεῦσαι Ὅσιε.
Τῶν πιστῶν οἱ δῆμοι καί μοναστῶν, προσκυνοῦσι πόθῳ, τῶν Λειψάνων σου την σορόν, καί ἐν μετανοίᾳ καί δάκρυσι αἰτοῦσι, συγχώρησιν πταισμάτων καί ἀπολύτρωσιν.
Τον ἐν ἱερεῦσι θεοειδῆ, καί ἐν ταῖς ἀνάγκαις προθυμότατον ἀρωγόν, τον κλεινόν ποιμένα, Κυπρίων αἱ χορεῖαι, ὡς προς Χριστόν μεσίτην, ἀεί γεραίρουσι.
Χαίροις τῆς Ἐγκλείστρας θεῖος πυρσός, καί μονήρους βίου, ὑποφήτης καί ὁδηγός, χαίροις ὁ παρέχων ἑνί ἑκάστῳ χάριν, Νεόφυτε Κυπρίων το ἐγκαλλώπισμα.
Χαίροις θλιβομένων ἡ χαρμονή, καί τῶν αἰχμαλώτων, ἡ ταχεῖα ἀπαλλαγή. Χαίροις ¨ο κουφίζων τους πόνους καί τάς θλίψεις, θερμῆ σου ἱκεσίᾳ, Πάτερ Νεόφυτε.
Πάντες σοι προσπίπτομεν εύλαβῶς, δεόμενοι Πάτερ, τῆς ὀξείας σου ἀρωγῆς, ἥν ὄρεξον πᾶσι τοῖς χρήζουσιν ὑψόθεν, Νεόφυτε Ἐγκλείστρα, ἄρρηκτον θέμεθλον.
Πᾶσαι τῶν ἀγγέλων αἱ στρατιαί…
Τρισάγιον
Ἅγιος ὁ Θεός, Ἅγιος ἰσχυρός, Ἅγιος Ἀθάνατος, ἐλέησον ἡμᾶς. (γ')
Δόξα... Καί νῦν...
Παναγία Τριάς, ἐλέησον ἡμᾶς. Κύριε, ἱλάσθητι ταῖς ἁμαρτίαις ἡμῶν, Δέσποτα, συγχώρησον τάς ἀνομίας ἡμῖν. Ἅγιε, ἐπίσκεψαι καί ἴασαι τάς ἀσθενείας ἡμῶν, ἕνεκεν τοῦ ὀνόματός σου. Κύριε, ἐλέησον, Κύριε, ἐλέησον, Κύριε, ἐλέησον.
Δόξα... Καί νῦν...
Πάτερ ἡμῶν ὁ ἐν τοῖς οὐρανοῖς, ἁγιασθήτω τό ὄνομά σου, ἐλθέτω ἡ βασιλεία σου, γενηθήτω τό θέλημά σου, ὡς ἐν οὐρανῶ, καί ἐπί τῆς γῆς. Τόν ἄρτον ἡμῶν τόν ἐπιούσιον δός ἡμῖν σήμερον, καί ἄφες ἡμῖν τά ὀφειλήματα ἡμῶν, ὡς καί ἡμεῖς ἀφίεμεν τοῖς ὀφειλέταις ἡμῶν, καί μή εἰσενέγκης ἡμᾶς εἰς πειρασμόν, ἀλλά ρῦσαι ἡμᾶς ἀπό τοῦ πονηροῦ.
Ἱερεύς: Ὅτι σοῦ ἐστιν ἡ βασιλεία... Ἀμήν.
Ἦχος πλ. β'
Ἐλέησον ἡμᾶς, Κύριε, ἐλέησον ἡμᾶς, πάσης γάρ ἀπολογίας ἀποροῦντες, ταύτην σοι τήν ἱκεσίαν, ὡς Δεσπότην, οἱ ἁμαρτωλοί προσφέρομεν, ἐλέησον ἡμᾶς.
Δόξα...
Κύριε, ἐλέησον ἡμᾶς, ἐπί σοί γάρ πεποίθαμεν, μή ὀργισθῆς ἡμῖν σφόδρα, μηδέ μνησθῆς τῶν ἀνομιῶν ἡμῶν, ἀλλ᾿ ἐπίβλεψον καί νῦν, ὡς εὔσπλαγχνος, καί λύτρωσαι ἡμᾶς ἐκ τῶν ἐχθρῶν ἡμῶν, σύ γάρ εἰ Θεός ἡμῶν, καί ἡμεῖς λαός σου, πάντες ἔργα χειρῶν σου, καί τό ὄνομά σου ἐπικεκλήμεθα.
Καί νῦν...
Τῆς εὐσπλαγχνίας τήν πύλην ἄνοιξον ἡμῖν, εὐλογημένη Θεοτόκε, ἐλπίζοντες εἰς σέ, μή ἀστοχήσωμεν, ρυσθείημεν διά σοῦ τῶν περιστάσεων, σύ γάρ εἰ ἡ σωτηρία τοῦ γένους τῶν χριστιανῶν.
· Ἐλέησον ἡμᾶς ὁ Θεός κατά τό μέγα ἔλεός Σου, δεόμεθά Σου, ἐπάκουσον καί ἐλέησον. Κύριε ἐλέησον (3)
· Ἔτι δεόμεθα ὑπέρ τοῦ Ἀρχιεπισκόπου ἡμῶν (δεῖνος) καί πάσης τῆς ἐν Χριστῶ ἡμῶν ἀδελφότητος. Κύριε ἐλέησον (3)
· Ἔτι δεόμεθα ὑπέρ ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως καί ἀφέσεως τῶν ἁμαρτιῶν τῶν δούλων τοῦ Θεοῦ, πάντων τῶν εὐσεβῶν καί ὀρθοδόξων χριστιανῶν, τῶν κατοικούντων καί παρεπιδημούντων ἐν τῆ (κώμη, πόλει) ταύτη, τῶν ἐνοριτῶν, ἐπιτρόπων, συνδορομητῶν καί ἀφιερωτῶν τοῦ ἁγίου ναοῦ τούτου. Κύριε ἐλέησον (3)
· Ἔτι δεόμεθα ὑπέρ τῶν δούλων τοῦ Θεοῦ, (ὀνόματα).
· Ὅτι ἐλεήμων καί φιλάνθρωπος Θεός ὑπάρχεις, καί σοί τήν δόξαν ἀναπέμπομεν, τῶ Πατρί καῖ τῶ Υἱῶ καί τῶ Ἁγίῳ Πνεύματι, νῦν καί ἀεί καί εἰς τούς αἰῶνας τῶν αἰώνων. Ἀμήν.
· Ἔτι δεόμεθα ὑπέρ τοῦ διαφυλαχθῆναι τήν ἁγίαν Ἐκκλησίαν καί τήν πόλιν ταύτην, καί πᾶσαν πόλιν καί χώραν ἀπό ὀργῆς, λοιμοῦ, λιμοῦ, σεισμοῦ, καταποντισμοῦ, πυρός, μαχαίρας, ἐπιδρομῆς ἀλλοφύλων, ἐμφυλίου πολέμου, καί αἰφνιδίου θανάτου, ὑπέρ τόν ἵλεων, εὐμενῆ καί εὐδιάλακτον, γενέσθαι τόν ἀγαθόν καί φιλάνθρωπον Θεόν ἡμῶν, τοῦ ἀποστρέψαι καί διασκεδάσαι πᾶσαν ὀργήν καί νόσον, τήν καθ᾿ ἡμῶν κινουμένην καί ρύσασθαι ἡμᾶς ἐκ τῆς ἐπικειμένης δικαίας αὐτοῦ ἀπειλῆς καί ἐλέησαι ἡμᾶς. Κύριε, ἐλέησον. (3)
· Ἔτι δεόμεθα καί ὑπέρ τοῦ εἰσακοῦσαι Κύριον τόν Θεόν φωνῆς τῆς δεήσεως ἡμῶν τῶν ἁμαρτωλῶν, καί ἐλεῆσαι ἡμᾶς. Κύριε, ελέησον. (3)
· Ἐπάκουσον ἡμῶν, ὁ Θεός, ὁ Σωτήρ ἡμῶν, ἡ ἐλπίς πάντων τῶν περάτων τῆς γῆς καί τῶν ἐν θαλάσση μακράν καί ἵλεως, ἵλεως γενοῦ ἡμῖν, Δέσποτα ἐπί ταῖς ἁμαρτίαις ἡμῶν, καί ἐλέησον ἡμᾶς. Κύριε, ἐλέησον. (3)
· Ὅτι ἐλεήμων καί φιλάνθρωπος Θεός ὑπάρχεις καί σοί τήν δόξαν ἀναπέμπομεν τῶ Πατρί καί τῶ Υἱῶ καί τῶ Ἁγίῳ Πνεύματι νῦν καί ἀεί καί εἰς τούς αἰῶνας τῶν αἰώνων. Ἀμήν.
Δόξα σοι ὁ Θεός, ἡ ἐλπίς ἡμῶν, Κύριε, δόξα Σοι.
Χριστός ὁ ἀληθινός Θεός ἡμῶν ταῖς πρεσβείαις τῆς Παναχράντου καί Παναμώμου Ἁγίας Αὐτού Μητρός, δυνάμει τοῦ τιμίου καί ζωοποιοῦ Σταυροῦ, προστασίαις τῶν τιμίων ἐπουρανίων Δυνάμεων Ἀσωμάτων, ἱκεσίαις τοῦ τιμίου, ἐνδόξου, προφήτου Προδρόμου καί Βαπτιστοῦ Ἰωάννου, τῶν Ἁγίων, ἐνδόξων και πανευφήμων Ἀποστόλων, τῶν ἁγίων ἐνδόξων καί καλλινίκων Μαρτύρων, τῶν ὁσίων καί θεοφόρων Πατέρων ἡμῶν, (τοῦ Ναοῦ) τῶν ἁγίων καί δικαίων θεοπατόρων Ἰωακείμ καί Ἄννης, (τῆς ἡμέρας) καί πάντων τῶν Ἁγίων, ἐλεῆσαι καί σῶσαι ἡμᾶς, ὡς ἀγαθός καί φιλάνθρωπος καί ἐλεήμων Θεός.
Ήχος β' Ὅτε ἐκ τοῦ ξύλου
Πάντες σοί προσπίπτομεν θερμῶς, καί ἐν κατωδύνῳ καρδίᾳ, ἀναβοῶμεν σοι:Ἅγιε Νεόφυτε, Κυπρίαν καύχημα, τῆ ταχείᾳ πρεσβείᾶ σου, τήν Νῆσον σου ρῦσαι τῆς ἐχθρῶν δουλώσεως καί συνοχῆς χαλεπῆς, δίδου δέ ἡμῖν οὐρανόθεν, λύσιν συμφορῶν ἀνηκούστων, καί παθῶν παντοίων ἀπολύτρωσιν.
Ήχος πλ. δ'
Δέσποινα, πρόσδεξαι τάς δεήσεις τών δούλων σου, καί λύτρωσαι ἡμᾶς, ἀπό πάσης ἀνάγκης καί θλίψεως.
Ήχος β'
Τήν πᾶσαν ἐλπίδα μου εἰς σέ ἀνατίθημι, Μῆτερ τοῦ Θεοῦ, φύλαξόν με ὑπό τήν σκέπην σου.
Ἔγραψα την Παράκλησιν ταύτην
κατά παράκλησιν τοῦ μον.Νεοφύτου, Κυπρίου τήν καταγωγήν τό 1978
διά την ἐνίσχυσιν τῶν Κυπρίων Ἀδελφῶν μας.
Μέ τήν εὐλογία τοῦ πατρός Δαμασκηνοῦ Γρηγοριάτου
